Husên Hesen Qadir nasnav, bi Şêx Baqir Şêx Husên, di sala 1917an de li gundê Solê yê ser bi nahiyeya Qeredaxê ya parêzgeha Silêmaniyê ji dayik bûye, gundî bûye û mijûlî karê ayînî û tekîdariya deverê bûye, qonaxa seretayî li cem Mela Ebdulkerîm li Biyareyê temam kiriye, ji bo berdewamkirina xwendina ayînî çûye Derbendîxanê û xwendina mamostayê ayînî temam kiriye û mûleta mamostayê ayînî wergirtiye, xwedî malbat bûye û xwedî du kur û çar keçan bûye.
Şêx Baqir Şêx Husên, di sala 1963an de pileya endametiya Partiya Dêmokrata Kurdistanê û pileya mamostayê ayînî yê şoreşê ji aliyê Mistefa Barzanî yê nemir ve jê re hatiye bexşîn, bûye berpirsiyarê rêxistina mamostayên ayînî Partiya Dêmokrata Kurdistanê li devera Qeredax û Şarezûr û bajarê Silêmaniyê. Roleke bilind dîtiye di piştevanîkirina Hêzên Pêşmerge û arastekirina mamostayên ayînî yên deverê ji bo hevkariya Hêzên Pêşmerge, herwiha gihandina peyam û rênîşandanên serkirdayetiya şoreşê ji bo Hêzên Pêşmerge.
Di 9ê hezîrana 1974an de li gel Şehîd Heme Şemîranî berpirsiyarê hêza Şemîranî ya ser bi hêza xebata Partiya Dêmokrata Kurdistanê li mizgefta gundê Solê civîna rêxistinî pêk anîne û nûçe gihîştiye Artêşa Iraqê, ji aliyê topavêjên Artêşa Iraqê ve bi çirî gundê Solê topbaran kirine, di encamê de Şêx Baqir Şêx Husên Şehîd bûne.
Çavkanî:Arşîva desteya ensîklopediya Partiya Dêmokrata Kurdistanê.