Li navçeyên ser bi hêza Deşta Hewlêrê, Pêşmerge çend neberdiyan nîşan dide

Di roja 25/8 de mîrî êrîş anî ser xeta Hewlêrê ji 3 aliyan ve, di encamê de şer heta êvarê berdewam bû, nekarî ji Berdebaz derbasî pêş bibe. 2- Di roja 26/8 de şer careke din dest pê kir, serê sibê bi hêza caş û hêza mîrî li xeta Bastûre û Serê Reş ber bi gundên Gumespan û Kanî Kewan ve şore bûn, bi alîkariya tank û zirîpoşan, li van gundan hinek xanî şewitandin. Pêşmergeyên me yên leheng şerekî mêranî bi wan re kirin û di encamê de mîrî şikest û vegeriya Berdebazê û dijmin heta niha ji Berdebazê şer bi me re heye, bi dirêjahiya şev û rojê balafir û top berdewam in li ser topbarankirina navçeya me. 3- Di êvara 27/8 de di saet (6) de topên me eniya pêş a mîrî topbaran kirin ji bo maweya saetekê, herwiha topên me cihê xwe girtin, serbaz û caş wek mişkan direviyan di bin topbarana me de, bi çavan dihat dîtin ku di nav serbazgehê de otomobîl û kon dişewitîn. 4- Dijmin ti moralekî wî nemaye û Pêşmergeyên me yên leheng bi hemû azm û baweriyê û bi dil û can hewl didin ji bo serkeftina şoreşa me ya pîroz bi serokatiya Barzanî.