Pêşmerge li rêya Mawetê derbeke giran li dijmin dixe

Rewşa roja 30/10 bi vî awayî ye: Dijmin di saet 12ê piştî nîvro de bi hemû hêza xwe, bi alîkariya top, tank û balafiran êrîş bir ser Marereş û rêya Mawetê. Pêşmergeyên me yên qehreman li ber xwe dan. Piştî şerekî germ, kuştariyeke mezin li dijmin ket û me bi topên xwe erebeyeke Rêo û wesayiteke veguhastinê têk bir. Mîrî bi hemû hêza xwe hewl da ku kuştiyên xwe û birîndarên xwe bigihîne kampa Gengawê lê bi ser neket. Heya niha termên wan li meydanê mane û şer heya nivîsandina vê peyamê ku saet 10ê şevê ye, berdewam e. Êdî ber bi pêş ve bi serokatiya Barzanî.