شەهید حەسەن حەمە شەریف کەریم عەبدوڵا ساڵی 1956 لە گوندی ئەمورەی سەر بە ناحیەی خورماڵ لەدایک بوو. گوندنشین بوو و کاری کشتوکاڵی دەکرد و تا قۆناغی سەرەتایی خوێندووە.
ساڵی 1978 لە مەفریزەی عومەر خەمگین فەرماندەی مەفریزەی پارتیزانیی دەشتی شارەزوور سەر بە هێزی سورەن لە پارتی دیموکراتی کوردستان بووە پێشمەرگە.
ساڵی 1979 حەسەن حەمە شەریف و هاوڕێکەی بە ناوی حەسەن ئەموری دوای گەڕانەوە لە چالاکییەکی پارتیزانی لە دەشتی شارەزوور، لە گوندی شیرەمەری نزیک خورماڵ کەوتنە ناو کمینی جاشەکانی ڕژێمی بەعس و لە ئەنجامدا حەسەن حەمە شەریف شەهید بوو و حەسەن ئەموری بە برینداری خۆی لە کمینەکە ڕزگار کرد.
سەرچاوە:1. ئەرشیفی ئینسکلۆپیدیای پارتی دیموکراتی کوردستان