Behçet Ehmed Ebdullah Ehmed di sala 1953an de li gundê Bereke ji dayik bûye. Di sala 1965an de peywendî bi rêxistinên Partiya Dêmokrata Kurdistanê dike û di sala 1969an de dibe Pêşmergeyê hêza Bêtwate. Piştî nesko ya Şoreşa Eylûlê awareyê welatê Îranê bûye, di sala 1980î de pileya serpelî jê re tê bexşîn. Di heftê eylûla 1980î de di rûbirûbûneke li gel dijmin, li gundê Melekan bi birîndarî dikeve destê dijmin û laşê wî bi nêze parçe parçe tê kirin.

Jînenîgarî

  Behçet Ehmed Ebdullah Ehmed di sala 1953an de li gundê Bereke ji dayik bûye. Asta wî ya xwendewariyê seretayî bûye. Pîşekar bûye û jin neaniye, dayika wî navê wê Helîme Hesen Ehmed bûye û her yek ji Şehab Ehmed, Xetab Ehmed, Necat Ehmed birayên wî ne.

Xebatname

Behçet Ehmed di sala 1965an de bi rêya rêxistina Herîr peywendî li gel rêxistinên Partiya Dêmokrata Kurdistanê çêdike, di sala 1969an de diçe hêza Bêtwate û dibe Pêşmerge, heta sala 1975an û nesko ya şoreşê di Pêşmergatiyê de berdewam dibe û paşê awareyê welatê Îranê dibe û li wir peywendiya wî li gel rêxistinên Hêzên Pêşmergeyên Kurdistanê dimîne.

Di sala 1980î de li gel Pêşmergeyên navçeya Şeqlawe vedigerin Kurdistanê ku wê demê fermandeyê Ehmed Zexok berpirsiyarê wan bûye, di wî salî de kar û çalakiyên baş dikin û navborî pileya serpelî di Pêşmergatiyê de jê re tê dayîn.

Di dîroka heftê eylûla 1980î de li gundê Melekan tûşî rûbirûbûneke dijwar dibin li gel dijminan, piştî şerekî giran bi birîndarî dikeve destê dijmin heman demê dijmin bi zindî laşê wî parçe parçe dikin û Şehîd dibe.

Çavkanî:

Arşîva Desteya Ensîklopediya Partiya Dêmokrata Kurdistanê.