Di koleksiyonê de bigere, bi kategorî, ziman, û dîroka weşanê parzûn bike.
1.403 encam
Kongreya heftemîn a Yekîtiya Xwendekarên Kurdistanê di dîroka 30ê adara 1972an de, di bin siya rêkeftina 11ê adarê ya di navbera serkirdatiya şoreşê û hikûmeta navendî ya Îraqê de, di keşeke azad de li bajarê Silêmaniyê hat lidarxistin.
Konferansa duyem a Yekîtiya Xwendekarên Kurdistanê, piştî serkeftî nebûna serkirdatiya hilbijartî ya kongreya çarem a rêkxistawê di rapêrandina erk û karên xwe de, di serê meha tebaxa 1964an de li navçeya Kanî Masî ya nêzîkî bajarê Silêmaniyê hat lidarxistin.
Kongreya Dehemîn a Partiya Dêmokrata Kurdistanê- (Partiya Dêmokrata Kurdistanê – 2ê kanûna pêşîn a 1989an), piştî avakirina Bereya Kurdistanî di sala 1988an de û gelek guhertinên navçeyî û herêmî, li gundê Hêşmaweyê yê Rojhilatê Kurdistanê hat lidarxistin.
Kongreya Yanzdehêm a Partiya Dêmokrata Kurdistanê- (Partiya Dêmokrata Kurdistanê – Yekgirtû – 26ê Tebaxa 1993), piştî raperîna bihara sala 1991ê ya Başûrê Kurdistanê, damezrandina Encûmena Nîştimanî ya Kurdistanê û Hikûmeta Herêma Kurdistanê li Hewlêra paytexta Herêma Kurdistanê hat encamdan.
Şêx Qadir Seyîd Yûnis Seyîd Elî Seyîd Ehmedê Brîfkanî naskirî bi (Doktor Qadir Brîfkanî), bijîşk û ji kesayetiyên diyar ên Şoreşa Eylûlê ya mezin bû, sala 1926an li gundê Brîfka li qezaya Dihokê ser bi parêzgeha Mûsilê ya wê demê, ji dayik bûye, sala 1944an endamê Partiya Hîwa û sala 1946an endamê Partiya Dêmokrata Kurdistanê bûye, sala 1962an wek bijîşk peywendî bi Şoreşa Eylûlê dike heta neskoya şoreşê di sala 1975an de.
Her tim ew bawerî di nav de heye ku bi mirin an ji nav birin an terorkirina serokekî, dibe ku şoreşek an doza neteweyekê bi dawî bibe, lê ev her tim û li cem her neteweyekê rast dernakeve. Dijminên gelê Kurd gelek ji mêj ve ji vê rastiyê tê gihîştibûn ku serok Mistefa Barzanî biryarder û navenda giranî ya bizava rizgarîxwaza gelê Kurd e, lewma çend caran hewla terorkirina wî hat dayîn.
Sala 1969'an dema ku ez xwendekar bûm, di rêxistinên Partiya Dêmokrata Kurdistanê de bûm endam û niha jî ew şerefa endamtiyê li cem min maye ku lijneya navçeya Xaneqînê pêşkêşî min kir. Paşê di sala 1973'an de bi rêya lijneya navçeya Xaneqînê bûm Pêşmerge di batalyona duyem a Zozik de li navçeya Gelale ku wê demê Mûlazim Yûnis Rojbeyanî fermandarê batalyonê bû. Baregeha batalyona duyem a Zozik cara yekem li Simaqokê bû li cem Mamerût û Umerawa li nêzîkî Çomanê.
Destpêka damezrandina hêza Balek vedigere sala 1962an ku di çarçoveya batalyonekê de hatibû rêxistin, lê sala 1965an batalyonê pêşketineke berçav bi xwe ve dîtibû û bûbû hêzeke mezin a rêxistinkirî ku çar batalyon di xwe de girtibûn.
Frensô Toma Kanûn, nasnavê wî Frensô Herîrî, mamoste û siyasetmedar, di sala 1963an de tevlî refên Partiya Dêmokrata Kurdistanê bûye, di sala 1969an de dibe berpirsiyarê komîteya navçeya Balekayetiya ser bi komîteya lqa du, di sala 1979an de di Kongreya Nehemîn de wek endamê yedek ê Komîteya Navendî, di sala 1992an de bûye endamê Encûmena Nîştimanî ya Kurdistanê, di kongreyên yazdehemîn û dozdehemîn de wek endamê Komîteya Navendî hatiye hilbijartin, di sala 1996an de hatiye kirin wezîrê herêmê, di sala (1996 - 2001) de parêzgarê Hewlêrê bûye.
Doktor Ceifer Mihemed, nasnavê wî Doktor Ceifer Feylî, Ceifer Mam Kerîm û Doktor Ceifer Rehmanî, sala 1943an têkiliya wî ya rasterast bi serok Mistefa Barzanî (1903 - 1979) re hebûye, ku rêberê şoreşa duyem a Barzan bûye, sala 1946an di kongreya yekem de ji aliyê nûnerên kongreyê ve wek endamê komîteya navendî ya Partiya Dêmokrata Kurdistanê hatiye hilbijartin, roja sêşemê 1ê tebaxa 2000î li bajarê Tehranê koça dawî kiriye.
Kerîm Selam Teha naskirî bi (Mûlazim Seyîd Kerîm - Mûlazim Şêx Kerîm), efser û siyasetmedar, sala 1973 tevlî refên Hêzên Pêşmerge bûye, sala 1974 bûye fermandarê batalyonekê di Hêza Zemnako de, heman sal fermandarê batalyona çaran a Hêza Xebat bûye, sala 1991 di Kongreya Qelaçwalan a Partiya Serbixweyî ya Dêmokrat a Kurdistan (PASOK) de wek endamê mekteba siyasî hatiye hilbijartin....
Kongreya pêncem a rêxistina Yekîtiya Xwendekarên Kurdistanê, di dîroka 13 heta 15ê tîrmeha 1967an de li devera Şwan a ser bi parêzgeha Kerkûkê ve hat lidarxistin.
